Xustificación

O 12 de maio de 2021 cumpriranse cen anos do pasamento en Madrid de Emilia Pardo Bazán. A Real Academia Galega, titular da "Casa-Museo Emilia Pardo Bazán", como herdeira, por legado testamentario de Blanca Quiroga Pardo-Bazán, da casa da escritora co seu mobiliario e obxectos, así como da biblioteca e o arquivo, que se custodian na súa sede de Tabernas, 11, quere sumarse aos actos que en Galicia conmemorarán ese centenario, organizando un Congreso Internacional "Emilia Pardo Bazán, 100 anos despois", continuación dos Simposios e Congresos que, promovidos pola RAG, tiveron lugar en A Coruña en 2004, 2005, 2006, 2007 e 2008.

Sedes e datas

Real Academia Galega

A CORUÑA
25, 26 e 27 de outubro

Rúa Tabernas, 11 - 15001 A Coruña

VER EN GOOGLE MAPS

Colexio de Fonseca

SANTIAGO DE COMPOSTELA
28 de outubro

Rúa do Franco s/n - 15704

VER EN GOOGLE MAPS

Consello da Cultura Galega

SANTIAGO DE COMPOSTELA
29 de outubro

Pazo de Raxoi, 2º andar - 15705

VER EN GOOGLE MAPS

Background Image

Convocatoria aberta a participantes

As sesións matinais dos tres primeiros días na Real Academia de Galicia (de 9:00 a 13:30) estarán ocupadas por 15 relatorios impartidos por especialistas na escritora coruñesa. As sesións vespertinas (de 16:00 a 19:00) dedicaranse á exposición das comunicacións presentadas por investigadoras e investigadores, consonte o indicado nesta convocatoria.

Ata o 28 de maio de 2021, as propostas de comunicación deben ser enviadas ao enderezo electrónico info@congresopardobazan100anos.gal:

  • 1) Nome, enderezo postal e electrónico, teléfono de contacto; no seu caso, institución investigadora ou docente á que están vinculados.
  • 2) Breve CV.
  • 3) Título e resumo (até 10 liñas) da comunicación.

O Comité Organizador, asesorado polo Comité Científico, seleccionará un número determinado de comunicacións, atendendo á súa orixinalidade, novidade, rigor e interese científico.Enviaranse as respostas a principios do mes de xullo.

Estas comunicacións poderán ser expostas de maneira presencial na sede coruñesa do congreso, ou ben telematicamente dende o lugar de residencia ou traballo da/do comunicante.

Idiomas do congreso: galego, castelán, inglés e portugués.


Ver comités Ver calendario

Organizan

Patrocinan